今日唔開心，因為覺得自己好煩，o個胃成日都唔舒服，佢好似越來越差咁，但我已經都盡量戒口o架啦！

黃姑娘星期一帶我睇第二個中醫，希望會有好轉，如果唔係遲d去旅行要坐咁長程車，我驚唔知點算，我唔想去旅行唔舒服，攪到唔可以盡興。

死啦！依家搭親巴士、私家車都會反胃、作嘔，連我老豆手車都唔得，都係呢o個火車300蚊月票後遺症，佢咁平又任搭，所以免得過我都唔會搭其他交通工具，而且地鐵仲要有得"操"分o忝，為o左慳錢冇法啦！但長此下去都唔係辨法，我諗我要一個星期搵番一日搭下長途巴士至得啦！

尋晚食o左藥好眼訓，所以9點鐘已經訓o左啦！訓到今朝9點，足足12個鐘頭，訓到我o個人有d遲鈍o忝。

原來今晚要查經，完全唔記得o左喎，要快d準備至得啦！仲諗住唔駛出去o忝，係屋企閉關。哈哈哈！

今日同聽日都補番d假，今朝訓到差唔多12點，爽呀！

下晝，契女o黎拜年，佢又大個女o左啦！佢媽咪幫佢扮到幾靚女呀！紫色衫襯紫色格仔裙。不過，佢竟然鍾意Monchhichi喎，真係攪笑啦！真係有d唔明白點解會鍾意呢隻公仔ge呢？跟住我上網搵o左Monchhichi相比契女睇，佢好鬼興奮。

收到一盒親戚送o黎ge KitKat，入面有一盒Monchhichi o既UNO，不過，得好少牌渣，夠4個人玩。

今日係小組活動，去o左立夫屋企燒野食，好開心，雖然我有得燒，冇得食。但好姊妹都比我食o左一隻雞翼同埋兩隻青口，哈哈哈，少食多滋味。

呢幾日都要出去拜年。

年初二，朝早去o左姑媽到，豆o左兩封大利是，跟住老豆訂o左盆菜拎出灣仔去舅父屋企，佢o地都好開心，因為佢o地第一次食盆菜。

夜晚就去o左apm和民同Emily補祝生日，好開心，我o地好耐都冇好好o地坐低一齊食餐飯，都唔知到係d咩原因，希望我o地能夠好似以前咁多d一齊就好啦。